Ամենաօգտակար 10 քաղցրավենիքը. tert.am

Ամանորյա տոները ո՛չ միայն երկար արձակուրդներն են, ձյունը, մանդարինը, տոնածառն ու պայթուցիկները, այլ նաև՝ անվերջանալի շոկոլադը, տարատեսակ կոնֆետները և, առհասարակ, բոլոր հնարավոր քաղցրավենիքները:

AdMe.ru-ն ներկայացնում է օգտակար քաղցրավենիքների լավագույն 10-յակը, որպեսզի տոները նաև հաճելի և օգտակար լինեն:

1.Սև շոկոլադ

Ստիպված պետք է լինեք մոռանալ կաթնային շոկոլադի համը և գնահատել քիչ կալորիական և առանց շաքարի սև շոկոլադը, որը մի շարք օգտակար նյութեր` հակաօքսիդանտներ, ֆլավոնոիդներ, կալցիում, սպիտակուցներ, երկաթ, մագնեզիում և վիտամիններ է պարունակում:

2. Զեֆիր

Ի տարբերություն մյուս բոլոր քաղցրավենիքների՝ քիչ կալորիական է զեֆիրը, որը ֆոսֆոր, երկաթ և սպիտակուցներ է պարունակում:

3. Մարմելադ

Օգտակար է առաջին հերթին բնական բաղադրիչների`պեկտինների շնորհիվ, որը նվազեցնում է արյան մեջ խոլեսթերինի մակարդակը, օրգանիզմից դուրս է բերում տոքսիկ նյութերը և կարգավորում ստամոքսաաղիքային համակարգը:

4. Քաղցր լավաշ

Խելամիտ չափաբաժնով քաղցր լավաշը կարելի է հանգիստ ուտել՝ չմտածելով գիրանալու մասին:

5. Մեղր

Նույնքան կալորիա է պարունակում, որքան և շաքարը, սակայն ավելի քաղցր է, այդ իսկ պատճառով այն ավելի քիչ են ուտում: 100 գրամ բնական մեղրը օրական չափաբաժնով մագնեզիում, կալիումի պերմանգանատ և երկաթ է պարունակում:

6. Հալվա

Այն օրգանիզմը հարստացնում է А, Е և В խմբի վիտամիններով, երիտասարդեցնող հատկությունով է օժտված, բարելավում է մաշկը, ինչպես նաև՝ կարգավորում է սիրտ-անոթային համակարգը:

7. Չրեղեն

Բնական մթերքը մի շարք արժեքավոր վիտամիններ-հակաօքսիդանտներ`բետակարոտին, տոկոֆերոլ և ասկորբինաթթու է պարունակում: Այն բարելավում է հիշողությունը, ազատում հոգնածությունից և հանգստացնում նյարդերը:

8. Մուրաբաներ

Վիտամինների և հանքանյութերի պահոց, սակայն դրանց պահպանման համար այն չպետք է եփել տատիկի բաղադրատոմսով, այլ՝ «5 րոպեի» ընթացքում: Ամենաօգտակարը ազնվամորու, սերկևիլի, հոնի և ընկուզի մուրաբաներն են:

9. Շաքարեղեգ

Այն շատ ավելի օգտակար է, քան սովորական շաքարը, քանի որ հնարավորինս քիչ է ենթարկվում մշակման: Այն հարուստ է կալցիումով, մագնեզիումով, երկաթով, ֆոսֆորով և կալիումով:

10. Մրգեր և բանջարեղեն

Դրանք մի շարք օգտակար վիտամիններ, միկրոօրգանիզմներ, հանքանյութեր և հակաօքսիդանտներ են պարունակում:

Հարցեր, պատասխաններ, մեկնաբանություններ